Templum Romanum

Salvete plurimum! Nomen mihi est Magister Craft. Hodie sacerdos sum et de templis Romanis discetis. Venite mecum ad templum Romanum. Ecce templum Saturni. In Romā antiquā, Romani deos in templis colebant. Templum Romanum podium altum habet. Templum columnas habet. Columnae capitula Ionica habent. Ante templum ara est. In ara sacerdos sacrificium faciebat. Ecce! Sacrificium feci. Sacerdos etiam precatur: “Pater Saturne, macte sacrificio esto!” Templum unam cellam habet. In cella statua dei est. Ecce Saturnus. Ecce templum Romanum. Valete!